Dzeja, proza i latgalīšu literaturys populariziešona uorzemēs – ituo gods plāni rodūšūs rezidenču programā Lūznovys muižā

Nūsaslāguse dasasaceišona Lūznovys muižys i latgalīšu kulturys kusteibys “Volūda” eistynuotuos rodūšūs rezidenču programys literaturā, volūdnīceibā i Latgolys pietnīceibā 2026. gods rezidencem. Ītūgod rezidencēs tiks raksteita dzeja pīaugušajim i bārnim, struoduots pi prozys dorbu, kai i byus dorbs pi kataloga ar tulkuojumim latgalīšu literaturys populariziešonai uorzemēs.

Lasīt tālāk »

Es i dorbuošonuos bīdreibā. "Volūdys" kustynuotuoju stuosti

27. februarī nu 2014. gods teik sveiteita Storptautyskuo NVO dīna, kas veļteita navaļstiskūs organizaceju dorbam, vysūs kontinentūs izceļūt bīdreibu, nūdybynuojumu i īsaisteitūs cylvāku īguļdejumu piļsūniskuos sabīdreibys styprynuošonā vysūs leimiņūs. “Volūda” itamā dīnā grib pasadaleit ar sovu bīdru personeigajim stuostim par bīdreibys nūzeimi pošu augšonā, īsaistē, kasdīnys prīcā voi cytuos sferuos.

Lasīt tālāk »

Svareigi naviņ tys, kū dora bīdreiba, bet i kai poši jiutamīs | Īpasazeistam ar “Volūdys” kustynuotuojim

Dūmojūt par “Volūdys” juridiskū 20 godu jubileju i itūs godu laikā pīdzeivuotū, turpynojam īpazeistynuot ar bīdreibys kustynuotuojim. Itys stuosts byus par Guntu Ločmeli, kurai, kai jei poša nūsmej, nav breivuo laika, kam vysa kur aktivi vajag pīsadaleit.

Lasīt tālāk »

Latgalīšu kulturys kusteibys “Volūda” pārnejuo gods dorbi – “Boņuks 2025” nominanti

Februara suokums atguojs ar prīceigu viesti – Latgalīšu kulturys goda bolvys “Boņuks 2025” 30 nominantu vydā ari ostoni nominanti, kurūs radeišonā, dareišonā i kustynuošonā pīsadalejuse latgalīšu kulturys kusteiba “Volūda”.

Lasīt tālāk »

Aicynojam pīsasaceit 2026. gods rezidenču programā latgalīšu literaturā, volūdnīceibā i Latgolys pietnīceibā

Rēzeknis nūvoda Lūznovys muiža ar Maltys apvīneibys puorvaļdis atbolstu i sadarbeibā ar latgalīšu kulturys kusteibu “Volūda” turpynoj pārņ veiksmeigi aizsuoktū i izsludynoj 2026. gods rodūšūs rezidenču programu literaturā, volūdnīceibā i Latgolys pietnīceibā. Jamā niu jau sešim autorim voi rodūšajom apvīneibom byus vareiba izmontuot rezidenci, rodūt dorbus, kas veicynuos latgalīšu volūdys, literaturys i latgalistikys atteisteibu i populariziešonu.

Lasīt tālāk »

Portala lakuga.lv atsavieršona iz 2025. godu

Portals lakuga.lv pīduovoj atsavērt iz padareitū 2025. godā i soka paļdis skaiteituojim par atbolstu, sadarbeibys partnerim par dareišonu kūpā i finansiejumu! Lai vysim ražeigs i veiksmeigs 2026. gods!

Lasīt tālāk »

Seši "Latgolys prozys skaitejumi". Puordūmys i drupeit statistikys

Lasīt tālāk »

Vyss suocēs ar praksi | Svietejam "Volūdys" jubileju!

Volūdys jubilejis godā turpynojam vaira īpasazeit ar bīdreibys cylvākim i dorbim. Itys stuosts byus par tagadejū "Volūdys" i portala lakuga.lv vadeituoju Amandu Anusāni, kurei sovu ceļu bīdreibā īsuoce ar praksi 2021. godā.

Lasīt tālāk »

Dorbuošonuos bīdreibā īvuica praktiskys lītys | Svietejam "Volūdys" jubileju!

Turpynojūt svieteit “Volūdys” svātkus, raugam vaira īpasazeit ar bīdreibys cylvākim i dorbim. Trešais stuosts ir par “Volūdys” kustynuotuoju Dagneju Dudarjonoku, kurei īt nu Preiļu pusis i bīdreibā suoce dorbuotīs, kod beja studente Rēzeknis Augstškolā. Dagneja bejuse kai bīdreibys vadeituoja, tai daudzu projektu i dorbu kustynuotuoja. 2023. godā "Volūda" izdeve Dagnejis debejis dzejis kruojumu "Ups, kūki i mes".

Lasīt tālāk »

Literaturys, volūdnīceibys i Latgolys pietnīceibys rezidenču programa byus ari 2026. godā

Decembra suokumā Vaļsts kulturkapitala fonds izsludynuoja 2026. gods mierkprogramys “Kultūras radošo rezidenču atbalsts” rezultatus, i atbolstu rezidencem literaturā, volūdnīceibā i Latgolys pietnīceibā 2026. godā sajims ari Lūznovys muiža, kura rezidenču programu eistynoj sadarbeibā ar latgalīšu kulturys kusteibu “Volūda”.

Lasīt tālāk »

Radeits pyrmuo latgalīšu romana “Myura kolns” radejis īstudiejums

Par reizi piec Zīmyssvātku Latvejis Radejis “Radioteatra” platformā škārsteiklā byus vareiba nūsaklauseit jaunū radejis īstudiejumu latgaliski – pyrmuo latgalīšu romana “Myura kolns”, kura autors ir Norberts Neikšanīts, īrokstu. Īstudiejuma muokslinīcyskais vadeituojs i režisors ir Kristaps Rasims, bet lūmys īskaņuojuši Katrīna Griga, Andris Keišs, Juris Vucāns, Liena Šmukste, Alise Dzene, Ilmārs Dreļs i cyti.

Lasīt tālāk »

“Latgolys prozys skaitejumūs 2025” ar fragmentim nu tūpūšuo romana uzvar literate Ligija Purinaša

Decembra suokuos Rēzeknis nūvoda Lūznovys muižā i škārsteikla tīšraidē nūtyka literaruo konkursa “Latgolys prozys skaitejumi 2025” nūslāguma pasuokums, kas beja vīns nu literaturys festivala “Prozas lasījumi” nūtikšonom regionūs. Ituo gods konkursa finalā tyka sešu raksteituoju dorbi, bet žurejis viertejumā par lobuokū tyka pīzeiti literatis Ligijis Purinašys tūpūšuo romana “Sieviete” fragmenti.

Lasīt tālāk »

Izzynuotys Nautrānu kulturtelpys vierteibys i viesture

Ituo gods oktobrī i novembrī Nautrānu kulturys centrā nūtyka pīcu lekceju cyklys “Nautrānu kulturtelpys viesture i vierteibys”, kū organizēja latgalīšu kulturys kusteiba “Volūda”, sasadorbojūt ar Rēzeknis nūvoda Kulturys i turysma puovaļdi i Nautrānu apvīneibys puorvaļdi.

Lasīt tālāk »

Daīmami Lūznovys muižā nūtykušuo seminara "Spāka LAB" video īroksti

Catūrtdiņ, 13. novembrī, Rēzeknis nūvoda Lūznovys muižā nūtyka rodūšuo seminaru cykla “Spāka LAB” seminars, kurā beja vareiba izzynuot plotuok par vītu i kulturtelpu zeimynu radeišonu, pošvaļdeibu vareibu latgalīšu volūdys populariziešonā i kūpīnu īsasaisteišonu vysaida leimiņa kulturvidis pasuokumu eistynuošonā. Seminaru reikuoja latgalīšu kulturys kusteiba “Volūda”, sasadorbojūt ar Latvejis Nacionalū kulturys centru.

Lasīt tālāk »

Izdūšonai sagataveita gruomota par Pītera Miglinīka dzymtu

Lasīt tālāk »

Latgolys prozys skaitejumu finalā sasatiks kai pīredziejuši prozys latgaliski raksteituoji, tai suocieji

Nu 29. novembra da 7. decembra Reigā i Rēzeknis nūvodā byus literaturys festivala “Prozas lasījumi” nūtikšonys. Festivala daļa jau vairuokus godus ir ari konkurss “Latgolys prozys skaitejumi”. Catūrtdiņ, 4. decembrī, Lūznovys muižā jaunuokuos latgalīšu literaturys interesenti aicynuoti iz konkursa nūslāguma pasuokumu, kurā byus vareiba dzierdēt ituo gods lobuokūs dorbu skaitejumus.

Lasīt tālāk »

Latgalīšu volūdys diktats Rēzeknis Centralajā bibliotekā

Lasīt tālāk »

Tapis Latvijā pirmais kultūras un valsts aizsardzības mijiedarbībai veltītais raidieraksts “Kai sorguot?”

Šajā rudenī tapis Latvijā pirmais raidieraksts, kas pilnībā veltīts kultūras un valsts aizsardzības mijiedarbībai. Raidierakstā “Kai sorguot?” (latv. lit. val. – Kā sargāt?), ko veido latgaliešu kultūras ziņu portāla lakuga.lv komanda, ar spraigām diskusijām un vērtīgām pārdomām piedalījušies kultūras darbinieki, mākslinieki, eksperti un politikas veidotāji. Viņu vidū gan kultūras ministre Agnese Lāce, mākslinieks Kristaps Ancāns, literāte Ligija Purinaša, gan aktrise Kristīne Veinšteina un citi viedokļu līderi. Piecas raidieraksta epizodes, kas pieejamas straumēšanas platformās Youtube, Spotify un Apple Podcasts, vedina kultūru un valodu skatīt arī caur valsts aizsardzības prizmu.

Lasīt tālāk »

“Volūda” sajāmuse Nautrānu pogosta atzineibys rokstu

Lasīt tālāk »

Piec dorbu iz večerinku! Rogovkā nūtiks večerinka ar folklorys kūpu “Grodi”

Sastdiņ, 22. novembrī, 20 stuņdēs iz prīceigu večerinku ar folklorys kūpu “Grodi” (Reiga) aicynoj Nautrānu kulturys centrys i latgalīšu kulturys kusteiba “Volūda”. Večerinka ar muzyku i daņčim plānuota kai svātki vītejim ļaudim i gostim, reizē svietejūt Nautrānu kulturtelpys īkļaušonu Nacionalajā namaterialuos kulturys montuojuma sarokstā.

Lasīt tālāk »