Es i dorbuošonuos bīdreibā. "Volūdys" kustynuotuoju stuosti
27. februarī nu 2014. gods teik sveiteita Storptautyskuo NVO dīna, kas veļteita navaļstiskūs organizaceju dorbam, vysūs kontinentūs izceļūt bīdreibu, nūdybynuojumu i īsaisteitūs cylvāku īguļdejumu piļsūniskuos sabīdreibys styprynuošonā vysūs leimiņūs. “Volūda” itamā dīnā grib pasadaleit ar sovu bīdru personeigajim stuostim par bīdreibys nūzeimi pošu augšonā, īsaistē, kasdīnys prīcā voi cytuos sferuos.
Napaseņ publicējom “Volūdys” kustynuotuojis, ari sovulaik bīdreibys vadeituojis Guntys Ločmelis stuostu, kurā jei atguodynuoja, ka daudzi teik runuots par bīdreibys dorbim, bet “ir svareigi naviņ tys, kū dora bīdreiba, tok ari tys, kai mes poši jiutamīs. I itei ir vīta, cylvāki i laiks, kas vysod ir bejs pīpiļdeits ar cīši lobom sajiutom.” (Vysu interveju var puorskaiteit ITE) Deļtuo pyrma NVO dīnys vaicuojom bīdrim, kas ir jūs personeigī stuosti i sajiutys. Kaidam tei saīt ticeibys sovim spākim styprynuošona, kaidam sajiuta par jāgpylnu dzeivi, kaidam ceļš iz sovu pyrmū gruomotu voi jaunu profesionalu ceļu.
____________________________
Latgalīšu kulturys kusteibys “Volūda” aktivitatis 2025. i 2026. godā finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
