Dasmytais diktats latgaliski aicynuos īpasazeit ar Kārļa Skalbis puorsoku latgaliski
Jau par traciceju oktobra vydā palykuse Vaļsts volūdys dīnys svieteišona, deļtuo, prīcojūtīs par latvīšu volūdys boguoteibu, kotrys interesents itymā laikā teik aicynuots pīsadaleit ari latgalīšu rokstu volūdys diktatā. Dasmytais latgalīšu volūdys diktats skanēs sastdiņ, 17. oktobrī, Latvejis Radejis 1 eterā latgaliskajā raidejumā “Kolnasāta”, kai i video formatā varēs nūsavērt Latvejis Sabīdryskuo medeja (LSM) portalā LSM.lv, portalā REplay.lv i latgalīšu kulturys ziņu portalā lakuga.lv. Ituo gods diktatā Dailis teatra akters Aldis Siliņš skaiteis fragmentu nu 20. godu symta 20. godūs latgaliski puorlyktuos Kārļa Skalbis puorsokys “Miļzs”. Diktatu organizej LSM Latgolys redakceja, latgalīšu kulturys kusteiba “Volūda” i portals lakuga.lv.
Mozuok lītuotuos volūdys socialūs medeju vidē – katalaņu, latgalīšu i cytu kūpīnu pīredze
3. i 4. septembrī Katalonejā, Barselonā, nūtyka COST (European Cooperation in Science and Technology) teikla PLURILINGMEDIA seminars, kura tema beja digitaluo satura veiduotuoju monitorings mozuok lītuotajuos volūduos. Seminara golvonais mierkis beja izpieteit, kai mozuok lītuotuos i minoritašu volūdys var nūstyprynuot sovu byušonu kluotyn digitalajā vidē, izmontojūt satura veiduotuojus, datus, institucionalū atbolstu i kūpīnu sadarbeibu. Divejis dīnys 16 seminara dalinīki nu frizu (Nēderlande), katalaņu (Spāneja), basku (Spāneja), latgalīšu (Latveja), kašubu (Pūleja), īru (Īreja), velsīšu (Velsa, Lelbritaneja), galisīšu (Spāneja), vuocu i ladinu (Dīnavydtirole, Italeja), silezīšu (Pūleja) volūdu kūpīnu apsamaineja pīredzē i pasadaleja ar situaceju jūs vaļstīs i volūdu kūpīnuos. Seminarā pīsadaleju ari es i puorstuovieju RTU Rēzeknis akademeju i latgalīšu kulturys kusteibu “Volūda”. Itymā rokstā pasadaleišu ar golvonajom atziņom nu seminara, īskiciešu situaceju cytuos kūpīnuos, kai ari apvaicuošu satura veiduotuojus nu Latgolys, parkū jī veidoj voi naveidoj saturu latgaliski.
Izsludynuots literaturys konkurss “Latgolys prozys skaitejumi 2026”
Kab veicynuotu literarū procesu Latgolā i latgaliski raksteitūs tekstu radeišonu Latvejā, septeitū reizi latgalīšu kulturys kusteiba “Volūda” aicynoj Latgolys kulturtelpai pīdareigūs prozys autorus pīsadaleit konkursā “Latgolys prozys skaitejumi 2026”. Konkursa dorbi tiks gaideiti da 1. novembra. “Latgolys prozys skaitejumi” veicynuojuši jaunu raksteituoju pasaruodeišonu latgaliskuos literaturys telpā, deļtuo konkursa reikuotuoji aicynoj jū ari itūgod izmontuot kai platformu dorbu publiciešonai i sovu skaiteituoju atrasšonai.
Ar nūruodi “Vasals!” tierdznīceibys teiklu “Virši” i “Jānis Roze” veikalūs apmaklātuojus īdrūsynuos vaira runuot latgaliski
Latgalīšu kulturys kusteiba “Volūda” i latgalīšu kulturys ziņu portals lakuga.lv jau vairuokus godus eistynoj akceju “Latgalīšu volūdai draudzeiga vīta”, kurā ar specialu uzleimi, kū var sajimt uzjāmumi, īstuodis i cytys organizacejis, veicynoj latgalīšu volūdys publisku lītuošonu Latvejā i cytur pasaulī. Sasadorbojūt ar energoresursu tierguotuoju i ārtys īsapierkšonys veikalu teiklu “Virši” i gruomatneicu teiklu “Jānis Roze”, aizsuokta jauna iniciativa – ar nūzeimeitis “Vasals!” paleidzeibu, kas radzama pi darbinīku, kurī muok runuot latgaliski, apgierba, īdrūsynuos apmaklātuojus saziņai izalaseit latgalīšu volūdu.
"Volūda" aizvadejuse ūtrū pīsadaleišonu Eiropys volūdu festivalā
Pīktdiņ, 18. septembrī, jau aiz laika svietejūt Eiropys Volūdu dīnu, kas ir 26. septembrī, Eiropys Komisejis puorstuovnīceiba Latvejā aicynuoja sasatikt “Eiropys volūdu festivalā” Latvejis Nacionalajā bibliotekā. Ar sovu stendu i cytom aktivitatem festivalā kluotyn beja ari latgalīšu kulturys kusteiba “Volūda”.
Seminaru cyklā “Spāka LAB” sprīss par drūsom kūpīnom i sovu nūtikšonu ceļšonu gaismā
Catūrtdiņ, 1. oktobrī, Varakļuonu muižys pilī gaidoms pyrmais nu ituo gods diveju rodūšūs seminaru cykla “Spāka LAB” pasuokumu. Juo mierkis ir ceļt Latgolys regiona kulturys dzeivis kustynuotuoju i navaļdeibys organizaceju kapacitati. Varakļuonu seminarā tiks runuots par nūtureigom i drūsom kūpīnom i kulturys darbinīkim kai kūpīnu liderim. Seminaru cyklu ar Latvejis Nacionaluo kulturys centra atbolstu itūgod reikoj bīdreiba "Nezināmā Rēzekne", sasadorbojūt ar latgalīšu kulturys kusteibu "Volūda".
Erudicejis kaitā ar sasadzīduošonu izzynuos meistara Juoņa Streiča montuojumu
Svātdiņ, 27. septembrī, dīnu piec režisora, aktera i muokslinīka Juoņa Streiča (1936–2026) 90. dzimšonys dīnys Rēzeknē, Latgolys viestnīceibā "Gors", nūtiks komandu erudicejis spēle ar sasadzīduošonu “Juoņa Streiča montuojums”. Pasuokuma mierkis ir gūdynuot dyžonuo latgalīša pīmiņu i prīceigā nūskaņā turpynuot atguoduot Streiča davumu Latgolys, Latvejis i pasauļa kulturai. Iz kaitu aicynoj "Gors" i latgalīšu kulturys kusteiba "Volūda".
Latgaliskuos dzejis saceņseibu pīcgadē uzvar Annele Slišāne
Sastdiņ, 12. septembrī, pīktū reizi Rēzeknis nūvoda Rogovkā, Nautrānu kulturys centrā, nūtyka latgaliskais dzejis slams “Rogovkys dzejis voga”, kurā treis kuortu saceņseibuos par uzvarātuoju žurejis i skateituoju bolsuojuma kūpviertiejumā palyka literate, tekstilmuokslineica Annele Slišāne.
Vacuokus, kuri ar bārnim runoj voi grybātu runuot latgaliski, aicynoj iz izzynojūšu saimu dīnu Reigā
Sastdiņ, 17. oktobrī, Reigā, atteisteibys i rūtaļu centrā “Augstāk par zemi” pyrmū reizi byus saimem, kas ar bārnim runoj voi grybātu runuot latgaliski, veļteits pasuokums “Vierzeiba. Saimu dīna”. Tamā, lai izzynuotu vaira ap latgalīšu volūdys lītuošonu saimē i atsaceitu iz vacuoku vaicuojumim, pīredzē i zynuošonuos pasadaleis volūdneica Sanita Martena, logopede Inese Smirnova i muziks Kristaps Rasims.
Pizāne, Treibergs, Raibīs i Platace – ituo gods muzykalūs dzejis reitišku “Gulguošona” gosti
Sastdiņ, 12. septembrī, Rēzeknis nūvoda Ūzulainis pogosta Pleikšņūs trešū reizi sasatikt aicynoj niu jau par tradiceju palykušuos muzykaluos dzejis reitiškys “Gulguošona”. Pasuokumā pīsadaleis literati Raibīs, Valija Platace, Inga Pizāne i Tuoms (Toms) Treibergs, bet ar muzyku reitu pīpiļdeis dzīsminīks Kārlis Kazāks, muzike Zane Lasmane i vokaluo studeja “Skonai”.
Latgaliskuo dzejis saceņseiba Rogovkā svieteis pīktū jubileju
Sastdiņ, 12. septembrī, Rēzeknis nūvoda Rogovkā jau pīktū reizi nūtiks azartiskuo latgaliski rokstūšūs dzejnīku saceņseiba “Rogovkys dzejis voga”. Dzejis autoru uzastuošonu papyldynuos grupys “Kei-Rei” pyrmatskaņuojumi ar pārnejuo gods slama uzvarātuojis Valijis Platacis dzeju, kai i dzīsminīka Kārļa Kazāka i grupys “Baritoni” uzastuošonys.
“Volūdys” kustynuotuoji īpazeist Nautrānu kulturtelpu
Latgalīšu kulturys kusteibys “Volūda” vīna nu tradiceju i organizacejis īškejuos styprynuošonys aktivitašu ir bīdreibys kustynuotuojim i jūs draugim paradzāti pasuokumi. Augusta vydā “Volūdys” kustynuotuoji sasatyka eistyn sportiskā, izzynūšā i iztureibu puorbaudūšā aktivitatē – puorguojīnī na Nautrānu pogostu. “Volūdys” juridiskuo sāta ir Rēzeknis nūvoda Nautrānu pogosts, kas ir ari Nautrānu kulturtelpys daļa. 2025. godā bīdreiba aktivi īsasaisteja Nautrānu kulturtelpys dasacejuma sagataveišonā Nacionalajam namaterialuos kulturys montuojuma sarokstam.
Latgaliskais seminars jaunīšim “Atzolys 2026” nūsasliedzs ar jaunu latgaliskūs kaitu idejom jaunīšim i saimem
Aizvadeitajā nedeļā, nu 3. leidz 7. augustam, Ludzys nūvoda Kuorsovā nūtyka latgaliskais seminars jaunīšim “Atzolys 2026”, kas puļcieja jaunīšus nu vysaidu Latgolys nūvodu, kai i nu Reigys i Pīreigys. Vysys nedelis laikā jaunīšim beja vareiba sasatikt ar vysaidim lektorim i padareit plotuokys sovys zynuošonys kai par latgaliskū kulturu i volūdu, tai par latgalīšu volūdys i Latgolys regiona procesim i vītu pasaulī. Vīna nu vareibu – sūpluok ar Latgolā zynomom kaitu ideju autorem i grafikys dizainerem izstruoduot sovys kaitys latgaliski.
Vuiceitīs latgalīšu volūdu i izzynuot latgaliskū – jaunīši sasatiks seminarā “Atzolys” Ludzys nūvoda Kuorsovā
Jaunnedeļ, nu 3. da 7. augusta, Ludzys nūvoda Kuorsovā nūtiks latgaliskais seminars jaunīšim “Atzolys”, kurā 20 jaunīši nu Latgolys i cytom Latvejis vītom lekcejuos, rodūšajuos nūdarbeibuos i ekskursejuos izzynuos latgalīšu volūdu i kulturu, jaunīšu īspiejis, sasatiks ar vysaidom latgaliskuos kulturvidis personeibom, kai i poši praktiski dorbuosīs, kab radeitu jaunys latgaliskys kaitys jaunīšim i saimem.
Tūp jauna Laurys Melnis gruomota – stuosts “Babys duorzā (kā es negāju bērnudārzā)”
Latgalīšu kulturys kusteiba “Volūda” i rodūšuo komanda itūšaļt struodoj pi Laurys Melnis jaunuos gruomotys bārnim i jūs vacuokim – stuosta “Babys duorzā (kā es negāju bērnudārzā)” maketa, kura izdūšona gruomotys veidā teik carāta ituo gods golā.
Daīmams sarunu festivalā “LAMPA” izskaniejušuos diskusejis īroksts
Pīktdiņ, 10. julī, latgalīšu kulturys kusteiba “Volūda”, LSM Latgolys redakceja i portals lakuga.lv pīsadaleja sarunu festivalā “LAMPA” Ciesīs, pīduovojūt diskuseju “Runājiet ar mani latviski! Latgaliešu valodas vieta medijos priekšvēlēšanu laikā” par latgalīšu volūdys vītu prīškvieliešonu debašu laikā Sabīdryskajā medejā.
Pīsapylda tys, par kū nikod nabyutu variejuse pat īsadūmuot sapynuot | Īpasazeistam ar “Volūdys” kustynuotuojim
Pārņ nūsvietejūt “Volūdys” juridiskūs 20 godu jubileju i atguodojūt itūs godu laikā pīdzeivuotū, turpynojam īpazeistynuot ar bīdreibys kustynuotuojim. Itys stuosts byus par Lauru Melni, kas “Volūdā” (voi tūlaik “Latgolys Studentu centrā”) īsasaisteja, aizsuocūt studejis Reigā. Bez Laurys dareituo i ryupeiguo kasdīnys dorba nav īsadūmojams latgalīšu kulturys ziņu portala lakuga.lv stuosts, taipat Laura, rokstūt literarūs dorbus jaunuokim skaiteituojim i braucūt iz školom i bibliotekom, paleidz mozim i lelim izzynuot, ka gruomotys var skaiteit ari latgaliski.
Zynomi P. Jurciņam veļteituo literatu konkursa 2026 uzvarātuoji
Pīterdīnā, 29. junī, Rēzeknis nūvoda Nautrānu kulturys centrā, Rogovkā, tradicionali nūtyka sasatikšona Pīterdīnā, gūdynojūt Nautrānu pusis Pīterus – itamā reizē eipaši pūdnīku, muokslinīku Pīteri Gailumu i literatu Pīteri Jurciņu – i sveicynojūt Jurciņam veļteituo literatu konkursa uzvarātuojus. Itūgod Pīterdīna aizvadeita ar Sovvaļnīka, tautys muzykanta Pītera Belinska, folklorys kūpys “Rūžupis veiri” skaņdorbim, konkursa humoresku skaitejumim i Tukuma Literatu apvīneibys gasteišonu.
Portals lakuga.lv sajiems finansiejumu rokstu i raidīroksta “Mīti” 3. sezonys taiseišonai
Sabīdreibys integracejis fonds (SIF) apstyprynuojs Medeju atbolsta fonda (MAF) Regionalūs, vītejūs i diasporys medeju atbolsta programys konkursa rezultatus. Programā apstyprynuoti 62 projekti, kam daškierti leidzeikli nu Kulturys ministrejis budžeta. Portalam lakuga.lv daškierts finansiejums kai jaunu rokstu, tai raidīroksta “Mīti” 3. sezonys taiseišonai.
Edeite Laime sajāmuse Kulturys ministrejis Atzineibys rokstu
