Raidīroksta “Mīti” ūtruos sezonys serejis
Nu 2026. gods marta suoku da apreļa vyda kotru nedeļu latgalīšu kulturys ziņu portals lakuga.lv pīduovuoja raidīroksta “Mīti” 2. sezonys serejis i sarunys ap latgalīšu volūdu, muokslu, latvīšu viesturyskajom zemem, literaturu, dramaturgeju i cytim ar latgalīšu kulturu saisteitim vaicuojumim.
Raidīroksts “Mīti”, kuru taisa portala lakuga.lv komanda ar pyrmū sezonu aizasuoce 2025. gods februarī. Juo pyrmajā sezonā izskanēja pīcys serejis, kuruos tyka runuots par temom ap muzyku, medejim, volūdu, teatri i latgaliskū. Raidīroksts daīmams straumiešonys platformuos “Spotify”, “Apple Podcasts” i “YouTube” . “Mītu” ūtrajā sezonā raidīrokstam radeitys jau septenis serejis par temom ap latgalīšu volūdu, muokslu, latvīšu viesturyskajom zemem, literaturu, dramaturgeju i cytim ar latgalīšu kulturu saisteitim vaicuojumim. Ka pyrmuo sezona beja daīmama tik audio formata, ūtramā sezonā interesentim pīduovuots ari video formats.
Raidīrokstam dūts nūsaukums “Mīti” deļtuo, ka vaci stereotipi viestej, ka latgalīši nikai navar koč kū atrysynuot bez mītu. Izavācynoj i vyss skaidrys. Puorlykumā nu latvīšu literaruos volūdys latgaliski itys vuords nūzeimoj “mieti”. Itymā raidīrokstā portala lakuga.lv komanda rauga apguozt mītus, runojūt par vysaidim mitim (latvīšu literarajā volūdā “mīti”) ap Latgolu i latgaliskū. Bet, kab mitus apguoztu kai mītus, vajag sasatikt i sasarunuot. Ka gribīs viertīs storptautyskuok, tod ir ari tys “mīt”, kas angļu volūdā – sasatikt (meet).
Raidīroksta producente i projekta vadeituoja ir latgalīšu kulturys ziņu portala lakuga.lv vadeituoja Amanda Anusāne, bet epizožu redaktoris i vadeituojis ir portala redaktore Laura Melne, kai ari žurnalistis Edeite Laime i Marta Puzāka.
Raidīroksta “Mīti” ūtruos sezonys serejis:
“Mītu” džinglus sagataveja “Funky Town Studio”, raidīroksti īraksteiti “FT Production” Reigā i Latgolys Regionaluos televizejis studejā Rēzeknē, bet raidīroksta vizualū identitati izstruoduoja dizainere Liāna Merņaka. Raidīroksta pyrmuos sezonys epizodis var nūsaklauseit ITE.
___________
Raidīrokstu veidoj latgalīšu kulturys ziņu portals lakuga.lv, bet jū finansej Medeju atbolsta fonds nu Latvejis vaļsts budžeta leidzekļu.