Daīmams sarunu festivalā “LAMPA” izskaniejušuos diskusejis īroksts
Pīktdiņ, 10. julī, latgalīšu kulturys kusteiba “Volūda”, LSM Latgolys redakceja i portals lakuga.lv pīsadaleja sarunu festivalā “LAMPA” Ciesīs, pīduovojūt diskuseju “Runājiet ar mani latviski! Latgaliešu valodas vieta medijos priekšvēlēšanu laikā” par latgalīšu volūdys vītu prīškvieliešonu debašu laikā Sabīdryskajā medejā.
2025. godā pyrma pošvaļdeibu vieliešonu LTV raidejuma “Izvēlies nākotni!” debašu laikā Rēzeknis kandidatu saroksta puorstuovs iz vaicuojumu par latgalīšu volūdu suoce atbiļdēt latgaliski, raidejuma vadeituojs Guntis Bojārs palyudze: “Runājiet ar mani latviski!”. Izskanējušuo fraze sabīdreibā aizviņ ir aktuala eipaši laikā, kod otkon tyvojās vieliešonys.
Diskusejā 10. julī Ciesīs, sarunu festivalā “LAMPA”, iz Regionu skotivis pīsadaleja žurnalists Guntis Bojārs, Sabīdriskūs elektroniskūs plošsazinis leidzekļu padūmis (SEPLP) prīšksādātuoja Sanita Upleja-Jegermane, Vaļsts volūdys centra direktore Inese Muhka i volūdneica i RTU Rēzeknis akademejis profesore Sanita Martena, analizejūt naviņ konkretū situaceju, bet ari plotuokus vaicuojumus par volūdys lītuojumu pyrma vieliešonu debatēs. Diskuseju organizēja LSM Latgolys redakceja, latgalīšu kulturys kusteibu “Volūda” i latgalīšu kulturys ziņu portalu lakuga.lv.
“Volūda” i LSM Latgolys redakceja (īprīšk Latvejis Radejis Latgolys studeja) sarunu festivalā “LAMPA” ar kūpeigu diskuseju pīsadaleja jau trešū reizi, aktualizejūt vaicuojumus, kas svareigi latgaliskajā kulturtelpā i grybūt, lai festivalā izskaņ ari latgalīšu volūda. Kai vysod diskusejis reikuotuojim svareigi, lai runuotais napalīk tik festivalā, deļtuo diskusejis īroksts ari itūgod daīmams plotuok – ari LR1 raidejuma “Latgolys stuņde” formatā (nūsaklauseit var ITE).
LSM.lv žurnalistis Martys Puzākys sagataveits roksts par diskusejā runuotū ITE.
Diskuseja video formatā nūsaverama ite:
Karteņa: foto Amanda Anusāne/portals lakuga.lv
____________________________
Latgalīšu kulturys kusteibys “Volūda” aktivitatis 2025. i 2026. godā finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
