Foruma "Vierzeiba" pīredzis stuostu video
2025. gods 1. novembrī latgalīšu kulturys kusteiba “Volūda” aicynuoja iz latgalīšu volūdys i kulturys forumu "Vierzeiba", kurā ar pīredzis stuostim par latgalīšu volūdu i kulturu pīsadaleja latgalīšu volūdys specialisti, Latgolys kulturys dzeivis profesionali i sabīdreibā zynomi latgalīši.
Ar sovim stuostim forumā “Vierzeiba” pīsadaleja radejis personeiba i socialūs medeju influensers Lauris Zalāns, grupys “Borowa Mc” liders Aigars Runčis, Latgolys viestnīceibys “Gors” vadeituoja Diāna Zirniņa, tekstu autore i redaktore Inka, namaterialuos kulturys montuojuma centra “Upīte” direktors Andris Slišāns, latgalīšu kulturys kusteibys “Volūda” vadeituoja Amanda Anusāne, Vaļsts volūdys centra latgalīšu volūdys lingviste Muora Mortuzāne-Muravska i latgalīšu kulturys kusteibys "Volūda" projektu vadeituoja Edeite Laime. Sovs stuosts beja ari foruma vadeituojam – sabīdryski aktivajam akteram Juoņam Krūņam. Niu pīduovojam vysus stuostus nūsavērt ari kotram grybātuoja.
Nūtikšonu reikuoja latgalīšu kulturys kusteiba “Volūda”, bet ar atbaļsteišonu tolkā guoja Latvejis Nacionalais kulturys centrys i Sabīdreibys integracejis fonds nu Latvejis Republikys Kulturys ministrejis daškiertūs Latvejis vaļsts budžeta leidzekļu.