Pyrmū reizi padūtys “Volūdys” bīdra goda bolvys “Saviļņuotuojs”
Latgalīšu kulturys kusteiba "Volūda" pyrmū reizi padūd “Volūdys” bīdra goda bolvu “Saviļņuotuojs”. Plānuots taidu bolvu īdybynuot kai tradiceju.
“Saviļņuotuoja” bolvys ir divejis – vīna kaidam nu bīdru par breivpruoteigū īsaisti bīdreibys dorbā, bet ūtra kaidam nu atbaļsteituoju. Vīnu bolvu, kas tyka pasnēgta 28. februarī Rēzeknis nūvoda pasuokumā “Goda bolva kulturā”, sajēme Rēzeknis nūvods, bet ūtru – bīdreibys kūpsapuļcis dīnā, 14. martā, sajēme kustynuotuoja Laura Spundere.
Par “Volūdys” goda kustynuotuoju vaļde izalaseja Lauru Spunderi, kurei regulari pīsadola vaļdis sēdēs, breivpruoteigi īsasaista vysaidu nūtikšonu organiziešonā, apmeklej bīdreibys organizātūs pasuokumus, kai ari īt tolkā ar idejom i paleidzeigu rūku “Volūdys” iniciativuos. Laura ari beja vīna nu aktivuokūs kustynuotuoju, kas struoduoja pi “Volūdys” juridyskūs 20 godu jubileja pasuokuma.
–––––––––––––––
Latgalīšu kulturys kusteibys “Volūda” aktivitatis 2025. i 2026. godā finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
