LTG diktats Špogu vydsškolā
14. oktobrī “Volūdys” kustynuotuojis Amanda i Agnese kūpā ar Daugovpiļs teatra aktrisi Kristīni Veinšteinu gasteja Špogu vydsškolā, kur 10. i 11. klašu školānim snēdze vareibu pīraksteit deveitū diktatu latgalīšu rokstu volūdā.
Koč i itamā školā latgalīšu volūdu vuica tik suokumškolā, vacuokūs klašu bārnim tei beja vīnreizeiga pīredze – paraudzeit, kai ir raksteit latgaliski. Nu 27 školānu tikai puora kasdīnā runoj latgaliski, deļtam diktata raksteišona beja lels izaicynuojums, tok prīca par jaunīšu ceņteibu i nasabeišonu paraudzeit kuo jauna!
"Sasatikšona ar aktrisi beja eipaši nūzeimeiga, kam Kristīne sovulaik struoduoja školā par latvīšu volūdys školuotuoju – tei beja juos pyrmuo dorba vīta. Aktrise školānim diktēja puordūmom boguotu i sirsneigu Evijis Piebalgys tekstu nu par maizi – ikdīnišku, tok dzili simbolisku vierteibu sevkura cylvāka dzeivē," tai bibliotekare i latgalīšu rokstu volūdys puļceņa vadeituoja Ingrīda Kolosovska.
Vaira par myusu gasteišonu školā izzynoj ite: https://www.voluda.lv/viests/params/post/5160127/ari-spogu-jaunisi-pirakstejusi-diktatu-latgaliski
Foto: Amanda Anusāne i Agnese Skangale / latgalīšu kulturys kusteiba "Volūda"
#SIF_NVOfonds
