Vuškeņa iz pļovys

Ilze Sperga, Līga Romančuka

Cītī vuoki, 40 puslopys

Gruomotā bārnim ir 15 Ilzis Spergys dzejūli, kū papyldynoj kruosainys i meilys Līgys Romančukys ilustracejis. Muokslineicai itei ir debeja bārnu gruomotu ziemiešonā. Gruomotā puorskaitomi dzejūli, kas kai pyrmū reizi publikaceju sovulaik pīdzeivuojuši portalā lakuga.lv, tai ari da ituo vēļ napublicāti Ilzis Spergys dorbi par vuškeņu, zači, ežim, zirdzeņu, visteņu, kači, eņgelim i cytim tālim.

Leidza ar gruomotu izdūta ari digitals muzykys albums bārnim ar taidu pošu nūsaukumu “Vuškeņa iz pļovys”. (bez moksys audio failus var dabuot ite). Tymā dzīšmu formatā puortapuši septeni nu gruomotys dzejūļu. Dzīšmu muzykys autors ir Kristaps Rasims, bet tuos īdzīduojuse grupa “Rupuči”, kurā apsavīnuojuši Kristaps, Ernests i Terēze Rasimi.