Pīsavīnoj kustynuotuojim!
Latgalīšu kulturys kusteibā “Volūda” īsastuot var sevkura reiceibspiejeiga fiziska persona, kam ir interese par bīdreibys dorbu i ir saistūši juos mierki i statuti, īsnīdzūt dasacejumu, kū atbolsta diveji “Volūdys” bīdri. Par jaunūs bīdru pījimšonu lems bīdreibys vaļde.
Bīdra nauda
Bīdreibys darbeibu bīdri atbolsta ar bīdra naudu, kas ir 12 eiro/godā. Itys finansiejums teik izlītuots izdavumim, kurūs naīsadūd segt nu cytu olūtu, par pīmāru, banku komisejis, kūpsapuļcis organiziešona, projektu leidzfinansiejums i tml.12 eiro/godā
Kūpsapuļce
Reizi godā bīdri sasateik kūpsapuļcē, izsprīžūt svareiguokūs bīdreibys darbeibys vaicuojumus, par pīmāru, statutu izmainis, svareiguokī darbeibys goda plāni, goda puorskota apstyprynuošona. Kūpsapuļcē teik īvālāta ari bīdreibys vaļde (sovu kandidaturu var izvierzeit sevkurs bolstīseigais bīdrys). Bīdreibys vaļde teik īvālāta iz divejim godim.reizi godā februarī/martā
Kasdīnys komunikaceja
Kasdīnys komunikaceja ar bīdrim nūteik bīdreibys bīdru "WhatsApp" grupā (voi apakšgrupuos atbiļstūši interesem, pīmāram, literatura) i e-postā. Bīdri ir aicynuoti pīsadaleit vaļdis sēdēs, kas nūteik reizi mienesī. Par vaļdis sēdem bīdri teik pyrma tuo informāti "WhatsApp" saziņā i/voi e-postā.Whatspp grupa i e-posts
Atlaide izdavumim i produktim
"Volūdys" kustynuotuoji, samoksojot kasgadejū bīdra naudu, sajam 10 % atlaidi pierkumim bīdreibys atbolsta platformā-veikalā. Individualais atlaidis kods teik atjaunuots reizi godā piec kūpsapuļcis.10 %