Jaunūs stuostnīku školys pyrmuo nūdarbeiba
Sastdiņ, 14. novembrī, Rēzeknē, Rēzeknis Bārnu bibliotekā, nūtyka pyrmuo Jaunūs stuostnīku školys nūdarbeiba, kurā sasatyka bārni i jaunīši nu folklorys kūpu “Sienāži”, “Vīteri”, “Rāznaviņa”, kai i cytii interesenti, kab stuostneiču Meldrys Gailānis i Vilhelmīnis Jakimovys vadeibā īpasazeitu ar stuostnīceibys tradicejom i pylnveiduotu stuostu radeišonys i stuosteišonys prasmis.
Jaunūs stuostnīku školu itymā rudinī organizei latgalīšu kulturys kusteiba “Volūda”, sasadorbojūt ar Rēzeknis Bārnu biblioteku. Aktivitati atbolsta Valsts kulturkapitala fons, Rēzeknis Centraluo biblioteka i Latvejis Stuostnīku asociaceja. Pīsadaleišona nūdarbeibuos ir bezmoksys.
Foto: Inga Kaļva-Minina
