Oktobra vydā svietejom Vaļsts volūdys dīnu, kurys tradiceja ir ari latgalīšu volūdys diktata raksteišona. Itūnedeļ bejom gostūs Jāņa Eglīša Preiļu vaļsts gimnazejā, lai kūpā ar 9.b klasi ari pīraksteitu ituo gods diktatu. Kai izzynuojom sarunā pyrma tuo, kasdīnā latgaliski nu vysu školānu runoj tik diveji, koč i vairuokim latgalīšu volūda kotru dīnu skaņ sātā i saimē. Bet latgalīšu diktata raksteišonā vysim beja pyrmuo pīredze. Lels paļdis školai, 9.b klasis audzieknim i školuotuojai Diānai Bravackai par atsauceibu latgalīšu volūdys diktata raksteišonā!