Gulguošona 2026
Sastdiņ, 12. septembrī, jau trešū reizi Ūzulainis pogosta Pleikšņu kolnā nūtyka muzykaluos dzejis reitiškys “Gulguošona”. Ar sovys dzejis skaitejumim pīsadaleja Valija Platace, Tuoms Treibergs, Raibīs i Inga Pizāne, bet ar muzyku reitu pīpiļdeja muzike Zane Lasmane, dzīsminīks Kārlis Kazāks i vokaluo studeja “Skonai”.
Kotrā “Gulguošonā” ari saguojušūs vydā tūp kaids jauns dzejūļs i itūgod par jū pasaryupēja dzejneica Inga Pizāne, raksturojūt maineigūs laikapstuokļu nūskaņu, bet vystik nūsaturiešonu bez leita.
Gulguošona (2026)
Voi leits leis, kod uzastuos Valija Platace?
Voi leits leis, kod spieļuos Zane Lasmane?
Voi leits leis, kod laseis Tuoms Treibergs?
Voi leits leis, kod laseis Raibīs?
Voi leits leis, kod dzīduos Kārlis Kazāks?
Voi leits leis, kod laseišu es?
Voi leits leis, kod dzīduos “Skonai”?
Voi leits leis, kod pataiseisim kūpeigū foto?
Leis voi naleis – taids ir vaicuojums.
Paļdis Rēzeknis nūvoda Ūzulainis pogostam i eipaši Santai Ostašai par sadarbeibu Dzejis dīnu reita magejā Pleikšņūs!
Nūtikšonu reikuoja Rēzeknis nūvoda Ūzulainis pogosts i “Volūda”, bet atbaļsteja Rēzeknis nūvods i Vaļsts kulturkapitala fonds.
Foto: Amanda Anusāne
