Bārni Ludzā, Ruguojūs i Rēzeknē niu lobuok pazeist Sunānu i latgalīšu volūdu

2026. gods suokuos latgalīšu bārnu literaturys autore Laura Melne sasatyka ar vairuoku Latgolys vuiceibu īstuožu bārnim, kab īpazeistynuotu jūs ar latgalīšu volūdu, latvīšu volūdys daudzveideibu, kai ari apsprīstu komiksu “Sunāns breiveibā” i atsaceitu iz vysim bārnu vaicuojumim par tū, kai tūp gruomotys, i cytom temom.

Janvarī Laura gasteja Ludzys Muzykys pamatškolā, februarī Ruguoju pusē, kur sasatyka ar Ruguoju vydsškolys i Eglainis pamatškolys bārnim, bet aprelī  sadarbeibā ar Rēzeknis piļsātys Bārnu biblioteku sasatyka ar pyrmsškolānim Rēzeknis pyrmsškolys izgleiteibys īstuodē “Auseklītis” i 3. klasis školānim nu Rēzeknis suokumškolys.

_________________

Latgalīšu kulturys kusteibys "Volūda" darbeibu latgalīšu literaturys populariziešonai i atteisteišonai 2026. godā atbolsta Vaļsts kulturkapitala fonds projektā "Atbalsts "Volūdas" darbam latgaliešu literatūras attīstības nodrošināšanā 2026".