Lekceja par Nautrānu pogosta folklorys vuokumim

13. novembrī Latvīšu folklorys kruotivis vodūšais pietnīks i digitaluo arhiva garamantas.lv vadeituojs Sandis Laime Nautrānu kulturys centrā vadeja lekceju par folklorys vuokumim Nautrānu pogostā. 

Lekceju cykla pādejuo lekceja beja veļteita folklorai, kam zynuošonys par folklorys vuokumim Nautrānu kulturtelpā da ituo bejušys cīši skūpys. Lekcejā par folklorys vuokumim Nautrānu pogostā Sandis Laime aktualizēja dzymtu i cīmu pieteišonu. Vairuoki lekcejis daleibnīki aktivi īsasaisteja teicieju atpazeišonā, kai ari iz pasuokumu beja atbraukuši Ontona i Aleksandra Ārmaņu, kas sovulaik beja vīni nu ražeiguokūs Nautrānu kulturtelpys folklorys vuocieju, dzymtys puorstuovi, pasadolūt ar vierteigu informaceju Latvīšu folklorys kruotivis digitaluo arhiva garamantas.lv datu papyldynuošonai.

Nūtikšonu cyklu projektā “Nautrānu kulturtelpys styprynuošona” eistynoj latgalīšu kulturys kusteiba “Volūda”, kas beja vīna nu Nautrānu kulturtelpys dasacejuma autoru. Nūtikšonys atbolsta Latvejis Nacionalais kulturys centrys konkursā “Latgolys namaterialuo kulturys montuojuma styprynuošonys i populariziešonys pasuokumu nūdrūšynuošona 2025. godā”, Rēzeknis nūvoda Kulturys i turysma puorvaļde, Nautrānu apvīneibys puorvaļde i Nautrānu kulturys centrys.

Foto: Edeite Laime