Latgalīšu kulturys kusteibys "Volūda" juridiskūs 20 godu jubileja svieteišona

Ituo gods 2.⁠ ⁠novembrī palyka taišni 20 godu nu šaļts, kod Uzjāmumu registrā pasaruodeja īroksts par bīdreibu “Latgales Studentu centrs”. Koč i piečuokuo “Latgolys Studentu centra”, vīnkuorši “LgSC” voi kai niu – “Volūdys”, – stuosts ir garuoks par itim 20 godim, bet jī vystik ir gona svareiga šaļts, lai sasatiktu svātkūs. Deļtuo 1. novembrī “Volūda” sovus bejušūs i asūšūs bīdrus, sadarbeibys partnerus, atbaļsteituojus i draugus aicynuoja is oficialūs 20 godu jubileja svieteišonu Rēzeknē, Latgolys viestnīceibā “Gors”.

Gribim pasceit cīši lelu paļdis vysim, kas itymūs svātkūs beja kūpā ar mums i paleidzēja jūs radeit, bet vēļ leluoku paļdis sokam kotram, kurs myusu dorbu atbolsta ari kasdīnā.

"Volūdys" svātki nav beigušīs, taišni ūtraiži – vyss ir tikai suocīs! Vēļ vysa goda garumā daleisimēs ar atmiņom, sajiutom, sveicīnim, padareitū i plānuotū! Ka ari tev ir, ar kū pasadaleit, mes prīcuosimēs, ka izdareisi tū ite, socialūs medeju platformuos, voi e-postā [email protected]! Taipat atbaļsteit myus vysod vari voluda.lv. Kustynojam kūpā!

Foto: Dagnija Bernāne