Atbolstu jaunus dorbus latgaliski

Grybu skaiteit koč kū jaunu! Itys ir atbolsts kab varit veicynuot latgalīšu literaturys radeišonu. Da ituo mums jo eipaši svareigi beja atbolsts literatu pyrmajom gruomotom, nu īmam tolkā ari pīredzējušim i jau zynomim literatim, kurī roksta latgaliski. Itys atbolsts paleidzātu ari organizēt konkursu "Latgolys prozys skaitejumi", kab tys byutu kai platforma literatim īsakļaut Latvejis prozys raksteituoju vydā car festivalu "Prozas lasījumi". 

Mums ir ari sapyns par rezidenču sataiseišonu literatim, kurī grybātu raksteit latgaliski voi par temom, kas tyvys Latgolys kulturtelpai, sapyns par literatu atbolsta stipendejom i vēļ cyti. Ari itim sapynim atbolsts paleidzātu. Deļkuo tai mīdzam iz jaunu dorbu radeišonu? Jo raksteituoju latgaliski ir pamoz i niša taida pašaura – gribīs plotuoku i ari vysā Latvejis literaturā īkļaunūšuoku!