volūda, kas saviļņoj

zeimyna maiņa

Bīdreiba “LgSC” (īprīšk “Latgolys Studentu centrs”) ir navaļstiska organizaceja, kas apvīnoj cylvākus, kurim ir svareigi saglobuot i atteisteit Latgolys i latgaliskū kulturtelpu, latgalīšu volūdu. Vysi organizacejis bīdri tū dora nu breiva pruota i deļtuo, ka jim tys ir svareigi.

Bīdreiba registrāta 2005. gods 2. novembrī, nu aktivi dorbuojusēs jau daudzi seņuok. 2022. godā beja daguojs laiks zeimyna maiņai, i iz prīšku bīdreiba dorbojās kai latgalīšu kulturys kusteiba “Volūda”. Jaunajā organizacejis identitatē asūšais grafiskais elements (viļneits) simbolizej kusteibu, vierzeibu iz prīšku, paruodūt ari myusu organizacejis dobu – byut aktivim, radeit i vierzeit arviņ jaunys iniciativys i dorbus latgaliskuos kulturtelpys atteisteibai, dažaiduošonai i īkustynuošonai.

latgalīšu kulturys kusteiba Volūda  


Azaru zeme

Bīdreibys suokums ir zemē, kur daudzi azaru. Īkustynojūt lītys Latgolā, tuos kai viļņs izaplota tuoļuok ari Latvejis i vysa pasauļa mārūgā. 

Pareizraksteiba

Myusu stypruo puse ir interese i zynuošonys par latgalīšu rokstu volūdu i tuos pareizraksteibu: vysod asam gotovi īt tolkā, kab tei teik lobuoka.

Kusteiba

Myus raksturoj napuortraukta dareišona lelā amplitudā i dažaidūs vierzīņūs vīnlaiceigi. Raugam naapsastuot, bet eistynuot arviņ jaunys iniciativys i kustynuot jau aizsuoktuos. 

kai varātu byut

Pirkumu grozs

Pirkumu grozs ir tukšs.