Atbolstu ideju
Latgalīšu kulturys ziņu portals lakuga.lv jau 15 godu latgaliski kasdīnā viestej par latgalīšu kulturu pasaulī i kulturys nūtikšonom, jaunumim, prīcom i bādom Latgolā. Dīvamžāļ cikom vēļ arviņ vīneigais taids pasaulī, kurs kasdīnā ar sovim skaiteituojim runoj viņ latgaliski, deļtuo myusu atbiļdeiba ir vēļ leluoka, kab portals byutu i iz prīšku. 2021. godā portalā publicāti 430 roksti, bet myusu apjiemeigais plāns ir, ka 2022. godā tī byus vysmoz 500 – viests, intervejis, recenzejis, apskoti, literaturys jaunumi, atskoti i vysa kas cyts.
Mums portals lakuga.lv nav viņ viests, tuos ir ari latgaliskuos aktivitatis, aizdavumi, informaceja socialajūs teiklūs (Facebook, Twitter, Instagram, Telegram i TikTok), cytu latgalīšu iniciativu informativa atbaļsteišona, kai ari latgalīšu rokstu volūdys apvuiceibys, latgalīšu diktats, akceja “Latgalīšu volūdai draudzeiga vīta”, diskusejis, WhatsApp uzleimis i vēļ vysa kuo cyta kustynuošona.
Ar itū atbolstu portala komanda varēs mozuok beitīs par portala pastuoviešonys īspiejom i dūmuot par seņ grybātu ideju eistynuošonu – sagataveit kaidu rubriku, paplašynuot autoru lūku voi otkon pīduovuot kulturys viests video formatā.